Du kan gå på Stikk UT!-jakt både sommar og vinter
Sommarsesongen varer frå 1. mai til 31. oktober. Stikk UT! Vinter og Stikk UT! Ski har sesong frå 1. desember til 2. påskedag. Brosjyrer og kart vil dei fleste få i postkassa, og du finn også turane på stikkut.no og i Stikk Ut!-appen.
Du kan registrere deg på alle turmåla enten du går på beina, på truger eller på ski.
På vinterturane ber vi om at du ikkje går på beina i oppkøyrde skiløyper og øydelegg mange timars dugnadsarbeid. Hald deg eventuelt godt i utkanten av den opptrakka løypa.
Følg gjerne med på Sunnmøre Friluftsråd si facebook-side så held du deg oppdatert 🙂 Det finnast også ei privat side som heiter Stikk Ut 2024 der du kan få og dele tips om Stikk UT!-turane.
Kommunen har hovudansvar for Stikk Ut! og samarbeider med lag og organisasjonar, mellom anna Friluftsforeninga.
Skiturane er det ulike lag og organisasjonar som har ansvar for . I Volda kommune er det Friluftsforeninga, Volda skisenter, VTI Nordisk og Hornindal IL som deler på ansvaret for skiturane.
