Denne gongen tok vi mandagsturen på ein ONSDAG.
Vi gjekk denne ruta med start på Bjørke: https://ut.no/rutebeskr…/136742/fra-bjrke-til-tyssenaustet. Denne ruta har blitt brukt som overgang frå Bjørke og til mellom anna Hornindal. Der gjekk turen vidare med båt over Tyssevatnet.
Tyssenaustet er eit ombygd naust på nordvestsida av Tyssevatnet på Bjørke i Hjørundfjorden. Naustet er omgjeve av dramatiske fjelltoppar på alle kantar.
Ein litt krevjande tur på 600 høgdemeter, men det gjekk som ein leik i omgjevnader med fantastisk utsikt og dramatiske og flotte fossefall. Vervarselet var så som så, men vi fekk berre litt regn, litt sol og flott regnboge. Oppe ved hytta kom det eit regnskyll, men då hadde vi søkt ly i hytta. Vi var fem som ikkje lot oss skremme av vermeldingane.
