Hausttur 2024

Helga 30. august til 1. september er vi klare for årets hausttur som går til Balestrand. Det er 13 som har meldt seg på turen og vi gleder oss! Påmeldingsfristen var 10. juli

I Balestrand er det fleire flotte turar å velge mellom. Litt avhengig av veret, blir helga slik:

• Fredag: Vi reiser til Balestrand og vi kjem nok fram til litt ulike tider. Kjem du tidleg, rekk du kanskje ein tur? Kviknes hotel har informasjon om turar. Vi finn oss ein plass å ete middag
• Laurdag: Raudmelen. Tur med ca. 900 meter stigning med fine rasteplassar undervegs og med flott utsikt over Sognefjorden! Back-up er tur til Dagsturhytta Balabu. Dette er ein avstikkar på veg til Raudmelen. Middag på Kviknes hotel. Her er ulike alternativ, både buffet i restauranten og à la carte i Balholm Bar og Bistro
• Søndag vert det tur før heimreise. Turmål er ikkje bestemt endå

Overnatting på Midtnes hotel. Frukost er inkludert og vi kan smørje oss nistepakke. Nistepakke med to skiver, lefse og ei frukt kostar kr. 125,-.

I boka «Opptur Sogn og Fjordane», vert Balestrand omtala slik:
Balestrand er kjend som kunstbygda i Sogn og hit har kunstnarar valfarta i over 100 år, fasinert av fjord og fjell og dei særprega lystilhøva. Esefjella skal vere eit av dei mest måla naturmotiva i landet. Fjellformasjonane varierer frå slake fjell og dalar til alpint landskap med brear. Eit særpreg ved fjellturane er at alle rutene gir storfelt utsyn til Sognefjorden, Fjærlandsfjorden og Vetlefjorden.

Haustturane er for medlemar i Friluftsforeninga. Det er enkelt og billig å bli medlem om du ikkje alt er det.