Sunniva Vågen Dimmen har i fleire år vore ein storsamlar av StikkUT!-turmål. Nok ein gong har ho gått heilt til topps blant StikkUT!-deltakarane i Volda. Heile 502 StikkUT!-turar og 28 av 29 turmål i Volda kommune har ho tatt. I tillegg har det blitt åtte turar i Ørsta, så til saman 510 turar. Det er verkeleg imponerande! Far Torgeir har fått vere med på «slep» på nokre av turane, mellom anna på turen til Rotsethornet 28. september.
Ikkje berre går Sunniva turar. Ho er også ein viktig bidragsytar når det gjeld å få ut kodelappar og skilt. Ho er soleis med på å legge til rette for at Stikk UT! har blitt eit populært turopplegg. Utan frivillige som hjelper til, hadde nok ikkje StikkUT! vore det same.
No er det snart ny StikkUT!-sesong, så gjer som Sunniva: Sit ikkje inne og stur, men ver lur og gå ut ein tur 🙂
