Turen vert laurdag – søndag siste helga i august. Dette blir ei flott helg med to spektakulære turar!
Laurdag 29. august:
Avreise frå Volda ca. kl. 8.00. Oldeskaret t/r frå Briksdalen. Ein turklassikar! Oldeskaret er ein eldre ferdselsveg mellom Stardalen i Jølster og Oldedalen i Stryn. Vi planlegg å gå opp til høgste punktet og returnerer tilbake til Briksdalen same veg som vi kom opp, då det er svært langt rundt og dermed utfordrande å arrangere henting av bilar. Flott utsikt heile vegen!
5 km og ca. 1000 høgdemeter. Vi reknar 5-6 t. på turen.
Middag og overnatting på Skei hotell. Middag ca. kl. 19.00 Pris på overnatting inkl. frukost: enkeltrom kr. 1495 dobbeltrom kr. 1695 (pr. rom). Middag kjem i tillegg
Søndag 30. august:
Eggenipa, det markante fjellet du ser når du køyrer frå Byrkjelo mot Skei. Du har vel mang ein gong tenke at der skulle eg har vore? No har du sjansen! Auka trafikk har ført til slitasje av råsa. I 2017 vart det difor bestemt å legge til rette for ein betre sti til og frå toppen. Prosjektet er planlagt ferdig i 2026. Du kan følge arbeidet på fb-sida til Eggenipa.
ca. 3 km og knapt 1000 høgdemeter
Påmelding innan 1. juli Påmeldingslenke. Første mann/kvinne til mølla.
Turen går til Røddalshornet i Sande kommune. Det er tur med jamn stigning på ca. 385 høgdemeter og 1, 7 km og super utsikt både undervegs og på toppen Om […]
Denne kvelden tok vi turen til Fyrdsheida. Turen starta ved tidlegare Austefjord skule og gjekk i fin furuskog som etter kvart opna seg. Flott utsikt frå toppen! Ein fin kveld […]
Denne flotte mandagskvelden gjekk turen til Øyrahornet. Det er god sti frå Tjørvåg,- jamn stigning på ca. 400 høgdemeter og 1, 4 km. Frå toppen er det ei fantastisk utsikt. […]
