Foto: BODIL DYBEVOLL
Denne mandagen tok vi turen til Holmøyane, så vidt over grensa til Stad kommune.
Veret var litt usikkert før vi starta, med regn og vind, men det vart ein fin, mild og flugefri kveld.
Nettsida nytnaturen.no har god omtale av turen til Sonjahytta. Vi kjørte skogsvegen så langt vi kom. På skogsvegen opp til Utigardsætra var det ein heil skog av lerk! Ingen av oss hadde sett så mykje på ein plass før. Frå setra gjekk stien skråande oppover mellom blåbærlyng før den etter kvart vart litt brattare. Vi måtte ha fleire stopp for å sjå på utsikta. Siste km gjekk slakt bakover mot Sonjahytta. Her kan du gå inn om du tek av deg på beina. Vi valgte å ta pause ute før vi returnerte. Vi var ti på tur denne kvelden og alle var samde om at det var ein gild tur 🙂
