Siste mandagstur før sommarferien startar på Homberset. Vi går opp til Hombersetsætra. Herifrå følger vi ryggen vidare framover til Rotsethornet, før vi går bratta ned att til Kalsethola. Ein fin tur og er vi heldige, ser vi sola som startar solnedgangen når vi kjem ut til Rotsethornet. Nokre synest det er nifst å gå ned bratta, men vi hjelper kvarandre og tek det med ro. Set av ca. 4 t til denne turen
Det er ca. 720 høgdemeter og ca. 6 km til Kalsethola. Det meste av stigninga tek vi opp til Hombersetsætra. Etter det går det nokså jamnt utover mot Rotsethornet.
Oppmøte på øvste parkeringsplassen ovanfor Øyra skule, på nedsida av Globalskulen
(Kårstadvegen 5). Avreise kl. 18. Møt opp litt før.
Vi køyrer kvar sin gong. Har du ikkje bil, er du likevel velkomen til å vere med.
Les meir om mandagsturane her: https://www.friluftsforeninga.no/mandagsturar-2/
VELKOMNE PÅ TUR!
