Då er mandagstursesongen over for i år. Ei flott avslutning på Grindaløda i kveld. Stilt og fint, god mat og drikke, kjekt lag og ein nydelig kveld; frå eit solrikt Volda til månen som kom opp bak Rotsethornet og etterkvart måneskinet som speila seg i Voldsfjorden. Rett og slett vakkert! Takk for i år og velkomne til mandagsturar i 2013 - og til dei andre aktivitetane som Friluftsforeninga skal ha før det.

Vi tok laust frå skodde og regn og for ut i øyane til Storhornet og Nupatinden, Ikkje ein drope regn og fantastisk utsikt mot øyane og storhavet, ikkje mykje sjøgang på Stadthavet i kveld :) 6 sprekingar var med.

Starten var frå Drageskaret på Gurskøya. 

Tradisjonen tru er mandagsturen 2.pinsedag ein familietur. I år går turen til Runde. Merk at avreise er kl.11:00 (frå høgskuleparkeringa ved rundkjøringa ved Kiwi)