I år har vi hatt 17 turar: åtte turar i Volda, fire i Ørsta, tre i Ulstein, ein i Hareid og ein i Hornindal. Vi har nok av fine turmål å velge i!

Planlegging av 2020-sesongen er alt i gang og du kan gjerne kome med ønske.

Dette var sesongens siste tur, på ein dag med mykje ruskever; vind, hagl og regn. Men det var nokre som ikkje lot seg skremme av veret og som dermed fekk ein triveleg utekveld.

Nydelig kveld på sesongens nest siste tur! Vi gjekk denne ruta, via Reitane. 

Opprinneleg var det Hasundhornet som var turmål, men p.g.a. vertilhøva vart ein kortare tur valgt. Vi tok difor denne turen til Høgåsen på Dimnøya. På returen gjekk vi via Åsen.

Ein fin og mild kveld på sjølvaste valdagen! Vi gjekk frå høgdebasseng øvst i Bratteberg, via Heltnelihuken, Kortemyra og Dunderhoff, vidare til Turnhytta og til Dinglavatnet. Ein flott nærtur. 

Ein kort og litt bratt tur med super utsikt! Sjå turomtale på morotur.no. 

Heidane er høgda bak Humbersetsætra. Vi gjekk opp frå Humberset (rute på morotur.no). Mellom sela på Humbersetsætra går ein litt svak sti rett bakover og nesten opp til toppen. Siste biten utan sti. Ein nydeleg sommarkveld!

Vermeldingane var usikre, men vi lot oss ikkje skremme av mulig regn. Det var opplett i starten av turen, men etterkvart kom det litt regn og vind så vi blei våte. Vi fann Vardeskarhytta og tok rasten vår her. Ein flott plass!

Sandfjellet (1177 moh) ligg i Hornindal kommune og er ein av toppane i fjelløpet Hornindal rundt. Vi gjekk frå Hjortedalen og tok returen via Tussen. Ein flott rundtur. 

Denne mandagen tok vi turen til eit av Hareid sine "byfjell". Vi var spente på om vi fekk ein fin turkveld då skyene trua. Men kvelden var mild og det kom berre nokre få regndropar

Siste tur før sommarferien gjekk til Garnestua i Ulstein kommune. 9 personar var med på turen denne fine, milde sommarkvelden. 
No er det pause fram til 5.august. Då går turen til Sandfjellet i Hornindal

På grunn av at yr.no meldte rikeleg med regn, valgte vi eit anna turmål: Vi tok turen til Høgåsen i Hjartåbygda og hadde ein fin tur med ein rast i gapahuken på toppen. Vi traff på både kyr og padder.
Turen til Lønndalsmannen får vi sette opp att neste år

Yr lovde sol og varme, men det vart ein nokså regnfull og mild kveld. Ingen av dei 15 som var med å turen lot seg merke av det,- godt humør som alltid. Du kan lese turomtale på morotur. 

Mandagsturar i mai kan vere spanande, særleg med omsyn til veret. Det slo ikkje feil denne mandagen. 

Kjært fjell har fleire namn. I Dalsbygda kallar dei fjellet Sandhornet, på Folkestad heiter det Blåfjellet. Vi kjørte opp til Lisjebøvatnet og gjekk derifrå. 

Ein fin kveld, overskya og ca 10 gr. Vi var heile 26 med på turen. Kjekt at det også er med ein del nye

Årets først mandagstur gjekk til Galten på Folkestad. Eit populært turmål og Sunnmøre sitt svar på Trolltunga, og med super utsikt! 

Programmet for årets mandagsturar er klart. Første tur vert 6. mai og går til Galten på Folkestad. Dette er også StikkUt!-tur.